هونەرمەندی گەورەی هەولێر و كوردستان، محەمەد ئەحمەد ئەربیلی، كۆچی دوایی كرد.
ئەمڕۆ لە هەولێر و لە یەكێك لە نەخۆشخانەكانی شارەكە، هونەرمەندی گۆرانیبێژ محەمەد ئەحمەد ئەربیلی، كە ماوەیەك بوو تەندروستیی تێكچووبوو، كۆچی دوایی كرد.
ئەربیلی یەكێك بوو لە هونەرمەندە گەورە و دیارەكانی هەولێر و كوردستان و چەندین بەرهەمی ناوازە و دیاری پێشكەش بە هونەری میوزیكی كوردی كردووە، خاوەنی دەنگێكی خۆش و میوزیكژەنێكی بەتوانا بوو.
یەكێك لە بەناوبانگترین گۆرانییەكانی، بەرهەمی “هەولێرە”یە، كە لەناو خەڵكدا بە گۆرانیی “لێرەمە لە هەولێرێ، دڵدارم لە هەولێرە” ناسراوە.
