هانز فلێك ڕاهێنەری هەڵبژاردەی ئەڵمانیا، دڵتەنگە بەو دۆخەی لە بایرن میونشن ڕوویداوە و بەداخە بۆ ئەو لێدوانانەی لیڤاندۆڤسكی كە وتی دەمەوێت بڕۆم.
فلێك پێشتر ساڵانی 2019 بۆ 2021 ڕاهێنەری یانەی بایرن میونشن و لیڤاندۆڤسكی بووە.
فلێك پێیوایە شەرمە ئەو دۆخەی بەسەر بایرن میونشندا هاتووە و دەبوو پێش ئەوەی بتەقێتەوە، چارەسەر بكرایە.
ڕاهێنەرەكەی ئەڵمانیا جەختی كردەوە لەوەی لیڤا یاریزانێكی پیشەگەر و بەتوانا و جیهانییە.
گرێبەستی لیڤا ساڵی 2023 لەگەڵ بایرن كۆتایی دێت بەڵام یاریزانە پۆڵەندییەكە بە ئاشكرا وتی دەمەوێت بچمە بەرشلۆنە و گریبەستەكەم نوێ ناكەمەوە.
