بەڕێوەبەری گشتیی بەنداوەكانی هەرێم ڕوونكردنەوە لەبارەی ماوەی بەردانەوەی ئاو لە بەنداوەكانەوە دەدات و جەختدەكاتەوە تەنها لە بەنداوی دەربەندیخان بە بەراورد بە مانگی ڕابردوو ماوەی بەردانەوەی ئاو كەمكراوەتەوە.
ڕەحمان خانی، بەڕێوەبەری گشتیی بەنداوەكانی هەرێم لە لێدوانێكدا بە تۆڕی میدیایی ئێستای ڕایگەیاند، ماوەی بەردانەوەی ئاو لە بەنداوی دوكان كەمنەكراوەتەوە، بەڵام لە بەنداوی دەربەندیخان ماوەی بەردانەوەی ئاو بە بەراورد بە مانگی ئایار كەمكراوەتەوە.
ئاشكرایكرد، لە ئێستادا ڕۆژانە 35 مەتر سێجار لە یەك چركەدا ئاو لە بەنداوی دەربەندیخان بەردەدرێتەوە و مانگی ڕابردوو ماوەی بەردانەوەی ئاو زیاتر بووە لە 35 مەتر سێجار لە یەك چركەدا.
بەڕێوەبەری گشتیی بەنداوەكانی هەرێم، دڵنیای دا ئەو بڕە ئاوەی لە هەردوو بەنداوی دوكان و دەربەندیخان ڕۆژانە بەردەدرێنەوە بە زیادەوە بەشی ئاوی خواردنەوەی هاوڵاتییان بەردەدرێنەوە.
