نوێترین بڕیاری حكومەتی تاڵیبان لەبارەی ژنان-ـەوە، جیاكردنەوەیانە لە پیاوان لەناو پاسدا.
پێشتر حكومەتی تاڵیبان لە ئەفغانستان، كچان و كوڕانی زانكۆی لە پۆلەكانی خوێندن بە پەردە جیاكردەوە و لە چەندین شوێن خوێندنی كچانی قەغەدەكرد. دواتر بڕیاری دا ژنان بە تەنها نەچنە دەرەوەی ماڵەكانیان و سواری تەكسی نەبن.
لە دوایین بڕیاری دا، حكومەتی تاڵیبان ژنان و پیاوانی لەناو پاسدا لە یەكتر جیاكردووەتەوە، دەبێت پیاوان لە بەشی پێشەوەی پاسەكان دابنیشن و ژنان لە بەشی دواوە و پەردەیەك لەنێوانیاندا هەبێت.
