ئاوی مەلەوانگەکان ڕێژەیەکی زۆر کلۆری تێدایە بۆئەوەی ڕێگربێت لە بوونی بەکتریا تێیدا، ئەوەش زیانی زۆر بە قژ دەگەیەنێت لەکاتی مەلەکردندا، هۆکارە بۆ هەڵوەرین و شکانی تاڵەکانی قژ.
دەکرێت بە ئەنجامدانی چەند هەنگاوێک کاریگەرییە خراپەکانی ئاوی مەلەوانگەکان لەسەر قژ کەمبکرێتەوە:
یەکەم: شتنی قژ پێش و دوای مەلەکردن
کلۆر زەیتی سروشتیی قژ و پێکهاتە سروشتییەکانی دەبات، ئەوەش وادەکات قژەکە وشکببێتەوە و بشکێتەوە، بۆیە پێویستە قژت بەرلە مەلەکردنی بشۆیت تاوەکو قژ ئاوەکە بەتەواوی هەڵدەمژێت و ڕێگردەبێت لە مژینی کلۆری ناو ئاوی مەلەوانگەکە، هەروەها دوای مەلەکردن دەبێت بە شامپۆ و ئاوی پاک قژ بشۆردرێت.
دووەم: بەکارهێنانی زەیتە سروشتییەکان وەک چینێکی پارێزەر بۆ قژەکەت
بەکارهێنانی زەیتە سروشتییەکان وەک چینێکی پارێزەر لە کلۆر و ماددە زیانبەخشەکان کاردەکات.
سێیەم: بەکارهێنانی کڵاوی تایبەتی مەلەکردن
پارێزگاری لە تایبەتمەندییەکانی قژت بکە بە بەکارهێنانی کڵاوی مەلەکردن لەجۆری باش و کوالێتی بەرز.
چوارەم: قژت کۆبکەرەوە و بەبەرزی بیبەستە
بەستنی قژ بەشێوەی کێک بەبەرزی هۆکارە بۆ کەمتر هەڵمژینی کلۆر و بەرکەوتنی بەو ماددە زیانبەخشە ئەوەش دەبێتە پارێزەرێک بۆ قژەکەت لە کلۆری ئاوی مەلەوانگەکان.
