مهفرهزهكانی بنکەی پۆلیسی هەواری شار تۆمهتبارێکیان دهستگیركرد، کە بە ئۆتۆمبێل خۆی کێشابوو بە سێ ئۆتۆمبێلی دیكەدا و دواتر هەڵاتبوو.
لە ڕاگەیەندراوێكدا پۆلیسی سلێمانی ئاماژەی بەوەكردووە، دوای ئەوەی هێزەکانی پۆلیس ئاگادارکرانەوە لەبوونی ڕووداوێک کە تۆمەتبارێک بە ئۆتۆمبێلێکی جۆری پاس خۆی کێشاوە بە سێ ئۆتۆمبێلی تردا و هەڵاتووە، مەفرەزەکانی بنکەی پۆلیسی هەواری شار گەیشتنە شوێنی ڕووداوەکە و لێکۆڵینەوەکان بۆ دۆزینەوە و دەستگیرکردنی تۆمەتبار دەستیپێکرد.
باسی لەوەشكردووە، سەرەنجام توانرا تۆمەتبارەکە دەستگیربکرێت و دەستیش بگیرێت بەسەر ئەو ئۆتۆمبێلەدا کە ڕووداوەکەی پێ ئەنجامدابوو.
لە بەشێكی دیكەی ڕاگەیەندراوەكەدا هاتووە، لە ئێستادا تۆمەتبار (ه ، س) کە مۆڵەتی شۆفێری نیە بە بڕیاری دادوەر بەندە و پەڕاوی لێکۆڵینەوە بۆ ڕووداوەکە کراوەتەوە.
