لەسەر گرانی نرخی کاڵا و شتومەک لە بازاڕ پەرلەمانی کوردستان کۆدەبێتەوە و وەزیری بازرگانی و پیشەسازی ھەرێمی بانگهێشت دەكات.
بەپێی ڕاگەیەندراوێكی پەرلەمانی كوردستان، كاتژمێر10:00 سەرلەبەیانی کۆبوونەوەکە دەستپێدەکات و وەزیری بازرگانی و پیشەسازیی ھەرێمیش تیایدا ئامادە دەبێت.
لەبەشێكی دیكەی ڕاگەیەندراوەكەدا هاتووە، لیژنەی وزە و سامانەسروشتییەکان و پیشەسازی و بازرگانی سەبارەت بە (گرانی بازاڕ و بەرزبوونەوەی نرخی پێداویستی ڕۆژانەی ھاوڵاتییان) ڕاپۆرتێک دەخەنەڕوو و گفتوگۆی لەبارەوە دەکەن.
هەر بەپێی كارنامەی دانیشتنەكە، لە تەوەرێکی دیکەی کۆبوونەوەکەدا خوێندنەوەی دووەم بۆ پێشنیازەیاسای (بەرکارکردن و ھەموارکردنی یاسای فیدڕاڵی و واژووی ئەلیکترۆنی و مامەڵە ئەلیکترۆنییەکان) دەكرێت.
