وەزیری پەروەردەی حكومەتی عێراق زانیاریی نوێی لەبارەی ئەو كەسانە ئاشكراكرد كە دزەیان بە تاقیكردنەوەكانی قۆناغی 3ی ناوەندی كردووە و دەڵێت، “پاسەوانێك دزەی بە پرسیاری تاقیكردنەوەكان كردووە”.
عەلی حەمید، وەزیری پەروەردەی حكومەتی عێراق لە كۆنفرانسێكی ڕۆژنامەوانیدا ئەمڕۆ هەینی ڕایگەیاند، ” ئەو كەسەی پرسیارەكانی دزەپێكردووە، پاسەوانی باڵەخانەی بەڕێوەبەرایەتیی گشتیی پەروەردەی ڕەسافەی دوو بووە و كۆپییەكی كلیلی قاسەكەی دەستكەوتووە كە پرسیارەكانی تێدا بووە.
هەروەها ئاشكرایكرد، سێ كەسی دیكە لەو كارەدا تێوەگلاون و لە تۆڕە كۆمەڵایەتییەكان پرسیارەكانیان فرۆشتووەتەوە.
