بەڕێوەبەرایەتیی گشتیی دەزگای دژەتیرۆر بڵاویكردەوە، ھێزەكانیان لەگەڵ ڕووبەڕبوونەوەی تیرۆر و یەكێك لە ئەركە گرنگەكانیان پارێزگاریكردنە لەسەر و ماڵی هاوڵاتییان و ھیچ ئەفسەر و كارمەندێكی سەر بە بەڕێوەبەرایەتییەكەش یاسا شكێنی نەكردووە.
بەپێی ڕاگەیەندراوێكی بەڕێوەبەرایەتیی گشتیی دەزگای دژەتیرۆر تێیداهاتووە، “لێرەوە ڕایدەگەیەنین هێزەكانی دژەتیرۆر هاوتەریب لەگەڵ ڕووبەڕبوونەوەی تیرۆر، پرسی چەسپاندنی یاسا و پارێزگاریكردن لەسەر و ماڵی ھاوڵاتیانیان كردووەتە یەكێك لە گرنگترین كارەكانیان”.
لە ڕاگەیەندراوەكەدا هاتووە، “هیچ ئەفسەر و كارمەندێكی سەر بە بەڕێوەبەرایەتی گشتیی دژەتیرۆر یاسا شكێنی نەكردووە و سەرجەم ئەفسەر و هێزەكانمان لە شوێنی ئێشكگری خۆیان لە ئەركدان”.
