سهرۆكایهتیی ههرێمی كوردستان، پەیامێكی لەبارەی هێرشەكەی شەوی ڕابردووی سەر هەولێر بڵاوكردەوە و داوادەكات ئهو كهس و لایهنانهی كه دهستیان لهم جۆره هێرشانهدا ههیه بدۆزرێنەوە.
لە پهیامێكدا كە ئەمڕۆ پێنجشەممە بڵاویكردەوە، سهرۆكایهتیی ههرێمی كوردستان دەڵێت، “به توندی ئیدانهی ئهو هێرشه تیرۆریستییه دهكهین كه شهوی چوارشهممه 8 لهسهر 9/6/2022 به درۆنێكی بۆمبڕێژكراو كرایهسهر شاری ههولێری پاتهختی ههرێمی كوردستان و بههۆیهوه چهند هاوڵاتییهكی سڤیل برینداربوون و چهند ئۆتۆمۆبیلێكیش زیانیان بهركهوت”.
سهرۆكایهتیی ههرێم ڕایگەیاندووە، “ئێمه له سهرۆكایهتیی ههرێمی كوردستان لهو بڕوایهداین كه دووبارهبوونهوهی ئهم كردهوه تیرۆریستییانه زیان به سهقامگیریی ئاسایش و دۆخی سیاسیی عێراق به شێوهیهكی گشتی و ناوچهكه دهگهیهنێت و خزمهت به دوژمنانی ههرێمی كوردستان و عێراق دهكات”.
ڕاگەیەنداوەكە دەڵێت، “سهرۆكایهتیی ههرێمی كوردستان وهك ههموو جارێك پشتگیریی ئهوه دهكات كه ههماههنگی و هاوكاریی نێوان دهزگاكانی ئهمنیی ههرێمی كوردستان و حكومهتی فیدراڵی عێراق زیاتر توندبكرێن، بهمهبهستی دۆزینهوهی ئهو كهس و لایهنانهی كه دهستیان لهم جۆره هێرشانهدا ههیه، ههروهها داوا له لایهنه پهیوهندیدارهكانی عێراق و كۆمهڵگهی نێودهوڵهتیش دهكهین بۆ ڕێگهگرتن له دووبارهبوونهوهی ئهم هێرشانه، ههوڵ و ههنگاوی جددی ههڵگرن كه ئهمهش كاریگهریی زۆری بۆ سهقامگیریی ناوچهكه به شێوهیهكی گشتی دهبێت”.
