بەشار سەرۆكی سوریا دەڵێت، “لەسەر هەردوو ئاستی فەرمی و میللـی بەرەنگاری هەر داگیركارییەكی توركیا دەبینەوە”.
لە دیدارێكدا لەگەڵ كەناڵی “ڕوسیا الیوم” سەرۆكی سوریا باسی لە دۆخی وڵاتەكە و لەشكركێشییەكانی توركیا كرد و وتی، “ئەگەر داگیركاریی توركیا هەبێت، ئەوا لەو ناوچانەی سوپای سوریای لێیە بەرەنگاری دەبینەوە”.
ڕایگەیاند، هەركات دۆخی سەربازیی یارمەتیدەربێت ئەوا بە شێوەی ڕووبەڕوو بەرەنگاری سوپای توركیا دەبنەوە و بەدەر لەوەش بەرگریی میللـی دەكەن دژ بەو داگیركارییە.
سەرۆكی سوریا نموونەی بۆ ڕووبەڕووبوونەوەی نێوان سوپای وڵاتەكەی و سوپای سوریا هێنایەوە و وتی، “بەر لە دوو ساڵ و نیو سوپای سوریا ڕووبەڕووی سوپای توركیا بووەوە و چەند پێگەیەكی سوپای توركیای تێكشكاند”.
