لە ئاكامی خۆكێشانی ئۆتۆمبێلێك بە ژمارەیەك ڕێبواری یەكێك لە شەقامەكانی بەرلین-ی پایتەختی ئەڵمانیا كەسێك گیانیلەدەستدا و ژمارەیەكی دیكە برینداربوون، پۆلیس لەبارەی پاڵنەرەكەیەوە دەدوێت.
بەرپرسانی ئەمنی لە بەرلین ڕایانگەیاند، لەنێو برینداراندا دۆخی پێنجیان هەستیارە، برینی سیانیشیان مەترسیدارە.
بەپێی وتەی پۆلیس ڕووداوەكە كاتژمێر 10:30ی بەیانی ئەمڕۆ لە تۆینتزین شتراسە لە نزیك شەقامی بەناوبانگی كۆدام ڕوویداوە.
پۆلیس دەشڵێت، ئۆتۆمبێلەكە كە لە جۆری ڕینۆ-ی تایبەتە، ڕوون نییە ڕووداوی هاتوچۆ بووە یان شۆفێرەكەی بە ئەنقەست ئەنجامیداوە.
شۆفێرەكە (29 ساڵ) كە سەرەتا لەلایەن ڕێبوارانەوە دەستگیركراوە، ئەڵمانی بە ڕەگەز ئەرمینی-یە و لە بەرلین دەژی.
س: DW
