بافڵ جەلال تاڵەبانی: پێشھاتەکان چارەسەری نیشتمانی لە هەمووان دەخوازن

سەرۆكی یەكێتی كۆبوونەوەیەكی لەگەڵ سەركردەكانی چێوەی هەماهەنگی ئەنجامدا و چارەسەرکردنی کێشەکان لەسەر بنەمای دەستوور دووپاتكرایەوە.

نیوەڕۆی ئەمڕۆ بافڵ جەلال تاڵەبانی سەرۆکی یەکێتیی نیشتمانیی کوردستان و سەرکردەکانی چێوەی ھەماھەنگی لە بەغداد کۆبوونەوە.

لە کۆبوونەوەکەدا وەك ئەوەی لە ڕاگەیەندراوێكدا هاتووە، بە وردی بیروبۆچوون لەبارەی ئاستەنگەکانی بەردەم پرۆسەی سیاسی لە عێراق و پێکھێنانی حکومەتی نوێی عێراق تاوتوێكرا و کۆبوونەوە ھاوڕابوو کە پەلەبکرێت لە پێکھێنانی حکومەتێکی خزمەتگوزار و نیشتمانی کە ڕەنگدانەوەی واقیعی سیاسی و خواستی ئەمڕۆی ھاوڵاتییانی عێراق بێت.

هاوكات دووپاتی چارەسەرکردنی کێشەکان لەسەر بنەمای دەستوور کرایەوە و پەنابردن بۆ گفتوگۆ و دیالۆگی بونیادنەرانە بە ھەنگاوێکی ئەرێنی وەسفکرا لەپێناو سەقامگیری سیاسی، ئابوری و ئەمنی لە وڵاتدا.

لای خۆیەوە بافڵ جەلال تاڵەبانی ڕایگەیاند، پێشھاتەکان و گۆڕانکارییەکان وادەخوازێت ھەموومان پەرۆشی یەکڕیزی نیشتمانی بین و لە خەمی خەڵک و ئارامی سیاسی ھەنگاوی کرداری بنێین لەپێناو گەیشتن بە چارەسەری نیشتمانی.

لە كۆبوونەوەكەدا دەرباز کۆسرەت رەسوڵ، کارگێڕی مەکتەبی سیاسی و خالید شوانی، ئەندامی مەکتەبی سیاسیی یەكێتی ئامادەبوون.

بابەتی پێشتر

وردەكاریی كوژرانی یاریزانێكی عێراق ئاشكراكرا

بابەتی دواتر

چۆن مامەڵە لەگەڵ شەپۆلەکانی گەرمای هاویندا بکرێت؟

بابەتی پەیوەندیدار
Total
0
Share