بەهۆی ترس لە چوونە ناوەوەی خۆپیشاندەران ئەنجومەنی نوێنەرانی عێراق چۆڵكرا.
ئەمڕۆ دەیان كەس لە كارمەندانی گرێبەست و كرێی ڕۆژانەی سەر بە وەزارەتی كارەبا خۆپیشاندانێكیان لە بەردەم دەروازەی ناوچەی سەوزی بەغداد ئەنجامدا بۆ داواكردنی چەسپاندن و دامەزراندنیان.
لەمیانەی خۆپیشاندانەكەدا گرژی و ڕووبەڕووبوونەوە لەنێوان خۆپیشاندەران و هێزە ئەمنییەكاندا ڕوویدا و بەهۆیەوە سێ خۆپیشاندەر برینداربوون.
بەهۆی ترس لە زیادبوونی بارگرژییەكان پەرلەمانتاران و فەرمانبەران بینای ئەنجومەنی نوێنەرانی عێراقیان چۆڵكرد، كە دەكەوێتە ناو ناوچەی سەوز و ترس هەیە خۆپیشاندەران هەڵبكوتنەسەری.
