پەیامنێری تۆڕی میدیایی ئێستا لە گەرمیان ڕایگەیاند، بەهۆی پەلاماردانی پڵنگێکەوە شوانێک لە چەندین شوێنی جەستەیەوە بریندار بوو.
ئەمڕۆ دووشەممە 23 ی تشرینی دووەم لەگوندی گلالکەوەی سەربەناحیەی باوەنور شوانێک کە سەرقاڵی لەوەڕاندنی ئاژەڵەکانی بووە پڵنگێک پەلاماریداوە و برینداری کردووە.
بەیانی ئەمڕۆ عەلی تەمەن 18 ساڵ کاتێک لە گوندەکەی خۆیانەوە ئاژەڵی بردووە بۆ گوندێکی دیکە لە ڕێگادا بە وتەی خۆی پڵنگەکە پەلاماریداوە و دەست و شان و قاچی بریندارکردووە.
ئێستا عەلی لەژێر چاودێری پزیشکیدایە لە نەخۆشخانەی شەهید مەلا ئەحمەد و برینەکانی پاککراوەتەوە و چارەسەرکراوە.
