نرخی بەنزین لە پارێزگای دهۆك بەرزبووەوە و جۆرە جیاوازەكانی بۆ هەر لیترێك نزیكەی 50 دینار زیادیكردووە.
هەلکەفت شەرەفانی، خاوەنی یەکێک لە بەنزینخانەكانی دهۆك بە تۆڕی میدیایی ئێستای ڕاگەیاند، ئەمڕۆ نرخی بەنزین بۆ هەر لیترێك 45 دینار زیادبووە، بەجۆرێك بەنزینی نۆرماڵ كە پێشتر بە 975 دینار بوو بۆ هەر لیترێك، بەرزبووەتەوە بۆ 1025 دینار.
بەنزینی موحەسەنیش نرخی یەك لیتری لە 1075ەوە بۆ 1120 دینار، سوپەریش لە 1240ەوە بۆ 1285 دینار بەرزبووەتەوە.
بەوتەی ئەو خاوەن بەنزینخانەیە گرانبونی نرخی نەوتی خاو و بەنزینی کۆمپانیای کار هۆکاری زیادبوونی نرخە.
ئەمڕۆ نرخی نەوت لە بازاڕەكانی جیهاندا بەشێوەیەكی بەرچاو زیادیكرد و گەیشتە 123.28 دۆلار بۆ هەر بەرمیلێك.
