لە كارگەیەكی هەولێر تایبەت بە پەردە ئاگرێكی گەورە كەوتەوە، تیمەكانی ئاگركوژێنەوە لە هەوڵی كۆنتڕۆڵكردنیدان.
ئێوارەی ئەمڕۆ ڕووداوێكی ئاگركەوتنەوە لە كۆگای كارگەی (ئالیا بۆ پەردە) لە پێشانگای ئازادیی هەولێر كەوتەوە و تائێستا بڵێسەكەی بەردەوامە.
پەیامنێرمان لە هەولێر پێیڕاگەیاندین، زیاتر لە نیو كاتژمێرە تیمەكانی ئاگركوژێنەوە لە هەوڵی كۆنتڕۆڵكردنی ئاگرەكەدان.
لە زاری سەركەوت كاڕەش وتەبێژی بەرگریی شارستانیی هەولێر-یشەوە وتی، زیاتر لە 50%ی ئاگرەكە هێشتا ماوە و تیمەكانیان بەردەوامن بۆ كوژراندنەوەی بەشەكەی دیكە.
شوێنی ڕووداوەكە نزیكە لە پێشانگای ئۆتۆمبێل و چەند كۆگایەكی دیكە، بەڵام لەئێستا مەترسییان لەسەر نییە.
