شاندێكی وەزارەتی تەندروستیی ھەرێمی کوردستان بۆ چارەسەری کێشەی دەرمان و پێداویستی پزیشکی و ئامێر لە بەغدادن.
وەزارەتی تەندروستیی هەرێم لە ڕاگەیەندراوێكدا ئاماژەی بەوەكردووە، شاندێكی وەزارەتەكە بە یاداشتێکی تۆکمەی کێشە و گرفتەکان لە بەغدادن و بڕیارە ئەمڕۆ زنجیرەیەک کۆبوونەوە لەگەڵ وەزیری تەندروستیی عێراق و بەرپرسانی پەیوەندار و سەردانەکانیان بۆ دامودەزگاکانی پەیوەندار بکەن.
هەر بەپێی ڕاگەیەندراوەكە مەبەستی سەردانەكە بۆ چارەسەری کێشە و گرفتەھەڵپەسێردراوەکان و ھەماھەنگی کردنی زیاتر بۆ دابینکردنی دەرمان و پێداویستی پزیشکی و ئامێر و پڕۆژە خزمەتگوزارییەکانە بۆ ھەرێمی کوردستان.
