پۆلیسی سلێمانی ڕایدەگەیەنیت، تۆمەتبارێكیان دەستگیركردووە كە بە ئۆتۆمبێلەكەی لە ژن و منداڵێكی داوە و دواتر هەڵاتووە.
بەڕێوەبەرایەتیی پۆلیسی پارێزگای سلێمانی ڕایگەیاند، دوای ئەوەی زانیاری گەیشتە پۆلیس كە دوو بریندار لە نەخۆشخانەی شارن و بە ڕووداوی هاتوچۆ برینداربوون، هێزەکانیان لێكۆڵینەوەیان دەستپێكرد و دوای گەڕان و بەدواداچوون لەلایەن پۆلیسی فریاكەوتنی سلێمانییەوە توانرا ئەو ئۆتۆمبێلە بدۆزرێتەوە كە ڕووداوەكەی پێ ئەنجامدراوە.
هێزەكە تۆمەتبارەکەشیان دەستگیرکرد كە شۆفێری ئۆتۆمبێلەكە بووە و لەو ژن و منداڵەی داوە و هەڵاتووە، وەك ئەوەی پۆلیسی سلێمانی دەیڵێت.
ئاماژەی بەوەشكرد، لە ئێستادا تۆمەتبار (ب.ح.ك. لەدایكبووی 1970) بە بڕیاری دادوەر ڕاگیراوە و لێكۆڵینەوە لەگەڵیدا بەردەوامە.
