سه‌رۆكی لیژنه‌ی وزه و سامانه سروشتییه‌كانی په‌رله‌مانی كوردستان ڕایدەگەیەنێت، ماوەی 21 ڕۆژە بەنزینە 690 دینارییەكەی بەغداد بۆ هەرێم ڕاگیراوە، بەڵام به‌نزین بەو نرخە له هه‌ولێر هه‌یه و له سلێمانی نییه.
عه‌لی حه‌مه‌ساڵح، سه‌رۆكی لیژنه‌ی وزه و سامانه‌سروشتییه‌كان لە گرتەیەكی ڤیدیۆیدا ڕایگه‌یاند، ئه‌و بڕه به‌نزینه‌ی به‌غداد بۆهه‌رێمی دابینده‌كرد و نرخی هه‌ر لیترێك 690 دیناربوو ماوه‌ی 21 ڕۆژه ڕایگرتووە، بەڵام حكومه‌تی هه‌رێم خۆی به‌نزین بۆ هه‌ولێر به نرخی 690 دینار بۆ هه‌ر لیترێك دابینده‌كات و بۆ سلێمانی دابینی ناكات.
ڕوونیشیكردووەتەوە، “ڕۆژانه حكومه‌تی هه‌رێم له ڕێگه‌ی پاڵاوتگه‌ی كه‌وه‌رگۆسك یه‌ك ملیۆن لیتر به‌نزین ده‌پاڵێوێت و له ڕێگه‌ی كۆمپانیای سه‌ن ئۆیڵ دایداته به‌نزینخانه‌كانی هه‌ولێرو نرخی هه‌ر لیترێك 690 دیناره”.
جەختیشی كردەوە، لەو بەنزینە كە سلێمانی ڕۆژانە 400 هەزار لیتری بەردەكەوێت، بەڵام ماوەی دووساڵە نادرێت و كۆمپانیاكە تەنها لە هەولێر دابەشیدەكات.
