وەزارەتی دەرەوەی ڕوسیا لیستی ناوی ئەو كەسایەتییە سیاسی و ئەمنییانەی ئەمریكای بڵاویكردووەتەوە كە بۆیان نییە بچنە خاكی ڕوسیاوە و لەنێویاندا سەرۆكی ئەمریكایە هەیە.
بەپێی ڕاگەیەندراوێكی وەزارەتی دەرەوەی ڕوسیا تێیداهاتووە، لە چوارچێوەی ئەو سزایانەی ڕوسیا بەسەر ئەمریكادا سەپاندوویەتی لیستی ناوی ئەو هاوڵاتییانەی ئەمریكا ڕاگەیەندراون كە بۆیان نییە بچنە خاكی ڕوسیاوە و ژمارەیان 963 هاوڵاتی و كەسایەتیی ئەمریكایە.
ئاماژە بەوە كراوە، لەنێو ئەو كەسایەتییە سیاسییانەی ئەمریكا بۆیان نییە بچنە ڕوسیاوە جۆبایدن، سەرۆكی ئەمریكا، ئەنتۆنی بلینكن، وەزیری دەرەوەی ئەمریكا و ولیام بیرنز، سەرۆكی دەزگای هەواڵگریی ئەمریكایە.
