ڕوانگەی سوری بۆ مافەکانی مرۆڤ ڕایگەیاند، ژمارەیەک تەقینەوە دیمەشقی هەژاندووە، لەئەنجامی ڕووبەڕووبوونەوەی سیستمی دژە مووشەکیی سوریا بەرامبەر بۆردوومانی ئیسرائیل بۆسەر پێگە سەربازییەکانی نزیک پایتەخت.
ڕوانگەی سوری ئاشکرایکردووە، بۆردوومانەکانی ئیسرائیل پێگەکانی گروپە چەکدارەکانی سەربە ئێرانی لە نزیک دیمەشق کردووەتە ئامانج، بەهۆی بۆردوومانەکەوە سێ ئەفسەری سیستمی دژە ئاسمانیی سوریا کوژراون و چواری دیکە برینداربوون.
بۆردوومانەکە لە کاتژمێر 23:00ی شەوی ڕابردوو ئەنجامدراوە و جگە لە پێگە سەربازییەکانی دەوروبەری دیمەشق، فڕۆکەخانەی نێودەوڵەتیی دیمەشقیشی کردووەتە ئامانج.
