ئەمڕۆ كارەبای 24 كاتژمێری بە هاوڵاتییانی هەرێم دەدرێت

ئەندامێكی ئەنجومەنی پارێزگای سلێمانی دەڵێت، بڕیارە ئەمڕۆ وەزارەتی كارەبا، وزەی كارەبا بۆ ماوەی 24 كاتژمێر بۆ سەرجەم شار و ناوچەكان دابینبكات.

کەریم عەلی ئەندامی ئەنجومەنی پارێزگای سلێمانی ڕایگەیاند، بڕیارە ئەمڕۆ وەزارەتی کارەبا وزەی کارەبا بۆ ماوەی 24 کاتژمێر دابینبکات بۆ هەمو ناوچەکان وەک و تاقیکردنەوە بۆ دیاریکردنی بەرکەوتەی پارێزگاکان لە وزەی کارەبا، لە ڕێگای ئەم تاقیکردنەوەیەوە ڕێژەی پێدانی کارەبای پارێزگاکان دیاری دەکرێت.

وتیشی، “ئێمە لە لیژنەی پیشەسازی و وزە ئەم کاتە بەگونجاو نازانین بۆ ئەو تاقیکردنەوەیە، چونکە لەم کاتەدا لە سنووری پارێزگاکانی سلێمانی و هەڵەبجە و ئیدارەکانی گەرمیان و ڕاپەڕین بەکارهێنانی کارەبا ڕێژەکەی کەمە و هاوڵاتییان زۆر کارەبا بەکارناهێنن لە چاو وەرزی زستان و هاوین”.

بەهۆی ئەم جۆرە تاقیكردنەوەیەوە لە ساڵانی ڕابردوودا بڕی پێویستی كارەبا بە سنووری سلێمانی و دەوروبەری نەدراوە، وەك ئەوەی ئەندامەكەی ئەنجومەن ئاماژەی پێداوە

ڕێژەی پێدانی كارەبا بە پارێزگاکانی سلێمانی و هەڵەبجە و ئیدارەکانی گەرمیان و ڕاپەڕین نزیکە 34% بووە، بەڵام پشكی کارەبای پارێزگاکانی هەولێر و دهۆک نزیکەی 66% بووە.

كەریم عەلی ئەوەشی خستەڕوو، لە هەستكردنیان بەو گرفتە پێشنیار دەكەن كاتی تاقیكردنەوەكە بخرێتە مانگەكانی تەمموز و ئاب، یاخود كانوونی دووەم و وشوبات لە ساڵەكاندا.

بابەتی پێشتر

فڕۆكەجەنگییەكانی توركیا بۆردومانی سنووری قەزای ئامێدی دەكەن

بابەتی دواتر

وەزیری بەرگریی چیللی دزی لێكرا

بابەتی پەیوەندیدار
زیاتر ببینە

تاڵەبانی: ھەر جووڵەیەکی سیاسی و ئیداری كە کاریگەریی ئەرێنی لەسەر ژیانی خەڵک هەبێت یەکێتی مامەڵەی لەگەڵدا دەکات

بافڵ تاڵەبانی، ھاوسەرۆکی یەکێتیی نیشتمانیی کوردستان لە دەباشان پێشوازی لە ئۆلیڤیێ دیکوتینێ، کونسوڵی گشتیی فەرەنسا لە ھەرێمی کوردستان…
Total
0
Share