بەهۆی كۆچی دوایی سەرۆكی ئیماراتەوە، بافڵ جەلال تاڵەبانی سەرەخۆشی لە بنەماڵە و گەلی ئەو وڵاتە دەكات.
بافڵ جەلال تاڵەبانی لە پەیامێكدا ڕایگەیاند، بەداخ و خەمێكی قووڵەوە هەواڵی كۆچی دوایی خاوەنشكۆ شێخ خەلیفە بن زاید ئالنەهیان، سەرۆكی دەوڵەتی ئیمارات-مان پێگەیشت.
دەشڵێت، بەناوی خۆم و یەكێتیی نیشتمانیی كوردستانەوە پرسە و سەرەخۆشی خۆمان ئاڕاستەی بنەماڵە و گەلی ئیماراتی خۆشەویست دەكەین. خۆمان بە هاوبەشی ئەم خەمە گەورەیە دەزانین و لەخوای بەخشندە داواكارین رۆحی كۆچكردوو بە بەهەشتی بەرین شاد بكات و سەبووری بە هەموولایەك ببەخشێت.
ئەمڕۆ هەینی خەلیفە بن زاید ئالنەهیان سەرۆکی دەوڵەتی ئیمارات لە تەمەنی 73 ساڵیدا کۆچی دواییکرد.
