لە كۆی 13 برینداری تەقینەوەكەی شەوی ڕابردووی كافتریاكەی سلێمانی حەوت برینداریان لە نەخۆشخانە ماونەتەوە و بەڕێوەبەری نەخۆشخانەی شار دەڵێت، تا نیوەڕۆ بەشێكی دیكەیان ڕەوانە دەكرێنەوە.
درەنگانی شەوی ڕابردوو تەقینەوە لە سیستمی غازی ڕێستۆرانت و كافتریای (لیلی) لە شەقامی سالم (سەهۆڵەكە) لە سلێمانی ڕوویدا و بەهۆیەوە 13 كەس برینداربوون و ڕەوانەی نەخۆشخانە كران.
ئومێد عەلی بەڕێوەبەری نەخۆشخانەی شار لە سلێمانی بە تۆڕی میدیایی ئێستای ڕاگەیاند، ئێستا حەوت بریندار لە نەخۆشخانە ماون و تا نیوەڕۆ چەند كەسێكی دیكەیان ڕەوانەی ماڵەوە دەكرێنەوە.
سیان لە بریندارەكان برینەكانیان كاریگەرە و ئومێد عەلی وتی، یەكێكیان شكان لە شەویلگەیدا هەیە، یەكێكی دیكە خوێنەربوونێك لە سەریدایە و ئەوی دیكەشیان دەستی شكاوە.
ئەوەشی وت، “ئەو بریندارانەش پاش ئەنجامدانی نەشتەرگەری بەدڵنیاییەوە سبەی و دووسبەی ڕەوانەی ماڵەوە دەكرێنەوە”.
هاوكات پەیامنێرمان پێی ڕاگەیاندین، تیمەكانی بەرگریی شارستانی بەردەوامن لە هەڵگرتنەوە و هەڵدانەوەی داروپەردووی كافتریاكە، جگە لە لێكۆڵینەوە لە هۆكار و سەرچاوەی تەقینەوەكە.
ڕێكان جەمال سەرۆكی لیژنە هاوبەشەكانی قائیمقامیەتی سلێمانی لە شوێنی ڕووداوەكەوە زانیاریی زیاتری خستەڕوو:
