بڕیارە ئەمڕۆ دادگای فیدراڵیی عێراق لەسەر سكاڵای پارێزەرێك لەبارەی ناردنی 200 ملیاردینارەكەی بەغداد بۆ هەرێم كۆبێتەوە و بڕیار لەبارەی دەستووری بوون یان نەبوونی بدات.
بەپێی هەواڵی میدیا عێراقییەكان، ئەمڕۆ دادگای فیدراڵی لەبارەی ناردنی 200 ملیار دینارەكە كۆبێتەوە.
ئاماژەیان بەوەشكردووە، كۆبوونەوەكە لەسەر سكاڵای پارێزەرێك بووە بەناوی (جەواد كازم عەلوان) كە پێشتر ئەندامی ئەنجومەنی پارێزگای بەسرە بووە.
ئەو پارێزەرە سكاڵای لەدژی مستەفا كازمی و عەلی عەلاوی وەزیری دارایی تۆماركردووە و داویكردووە كە دادگای فیدراڵی كە یەكلای بكاتەوە، ناردنی 200 ملیار دینارەكە بۆ هەرێم دەستوورییە یاخود نا؟.
