لەلایەن هێزێكی ئەمریكییەوە لە ناحیەیەكی سەر بە قەزای شەقڵاوە بە هەڵە تەقە لە چەند ماڵ و ئۆتۆمبێلێك كران و زیانی لێكەوتووەتەوە.
ڕووداوەكە لە ناحیەی باسڕمە بووە و هاوڵاتییەكی دانیشتووی ناحیەكە بە تۆڕی میدیایی ئێستای ڕاگەیاند، كاتژمێر 10 بۆ 10:30 خولەكی ئەمشەو لەلایەن ئەو هێزە ئەمریكییەی لە فڕۆكەخانەی هەریر جێگیركراون، تەقە ئاراستەی ژمارەیەك ماڵ كراوە.
وتیشی، بەهۆی تەقەكردنەكانەوە نزیكەی 12 ماڵ و ئۆتۆمبێل زیانیان پێگەیشتووە، بەڵام زیانی گیانی نەبووە.
هێزە ئەمریكییە ڕۆژانە لە فڕۆكەخانەكە مەشق و ڕاهێنان دەكەن، بەڵام ئەوە یەكەمجار ڕووداوی لەوجۆرەیان لێ ڕووبدات، وەك ئەوەی ئەو هاوڵاتییە ئاماژەی پێدا.
باسرمە سەر بە قەزای شەقڵاوەیە و دەكەوێتە سنووری پارێزگای هەولێرەوە.
