وەزارەتی تەندروستی دەربارەی ڕێگری لە گەیشتنی دەرمان ڕوونكردنەوە دەدات

وەزارەتی تەندروستیی هەرێم ڕەتیدەكاتەوە ڕێگری لە گەیشتنی دەرمان لە بەغدادەوە بۆ سلێمانی كرابێت و دەڵێت، دەرمان لە بەغدادەوە ڕاستەوخۆ دەگاتە كۆگای دەرمانی پارێزگاكان.

ئاسۆ حەوێزی وتەبێژی وەزارەتی تەندروستی ڕوونكردنەوەیەكی لەبارەی وتەی بڕیار ڕەشید، ئەندامی ئەنجومەنی نوێنەرانی عێراق لە فراكسیۆنی یەكێتی بڵاوكردەوە و تیایدا هاتووە، بۆ ڕای گشتی و هاونیشتمانیانمان لە پارێزگای سلێمانی ڕادەگەیەنین كە ئەوەی وتراوە هیچ ئەصل و ئەساسی نیە و جگە لە مەرامی سیاسی و ورووژاندنی هەستی هاوڵاتیانی سلێمانی خۆشەویست هیچیتر نیە.

دەشڵێت، “هاتنی دەرمان لە ڕێگەی دامەزراوەی كیمادیاوە لە بەغداد ڕاستەوخۆ دەگاتە كۆگای دەرمانی پارێزگاكان و ناگەڕێتەوە كۆگاكانی وەزارەتی تەندروستی تا بەشە دەرمانی پارێزگاكان دیاری بكات”.

ئاسۆ حەوێزی ڕوونیشیدەكاتەوە، پێدانی بودجەی زیاتری كۆرۆنا كە لە بەغدادەوە دەگەیشتە هەرێمی كوردستان و دروستكردنی نەخۆشخانەی ئەڵمانی لە هەرێمی كوردستان و لە شاری سلێمانی شایەدی ئەو كارانەن كە ئەنجامدراوە لە پارێزگاكە.

دوێنێ بڕیار ڕەشید ئەندامی ئەنجومەنی نوێنەران ڕایگەیاند، وەزارەتی تەندروستیی هەرێم فشاری خستووەتەسەر سلێمانی و ڕێگریكردووە لە ماوەی رابردوودا دەرمان بەشێوەی ڕاستەوخۆ لە عێراقەوە بگاتە سلێمانی، هاوكات ئامێری MRI هاتووە بۆ سلێمانی و پشكی ئەو پارێزگایە بووە، بەڵام دراوە بە پارێزگای تر.

بابەتی پێشتر

ڕاوێژکاری کازمی: هەرێمی کوردستان ناچارە بڕیارەکەی دادگای فیدراڵی جێبەجێبکات

بابەتی دواتر

دۆلار جێگیرە

بابەتی پەیوەندیدار
زیاتر ببینە

تەندروستیی سلێمانی لەبارەی ئەو كەسەی دوای ڤاكسین توشی ئیفلیجی بووە، ڕاپۆرتی داوە بە بەغداد

دکتۆر سەباح هەورامی، بەڕێوەبەری گشتیی تەندروستیی سلێمانی ڕایگەیاند، لیژنەیەکی زانستیی بەڕێوەبەرایەتیی تەندروستیی سلێمانی بەردەوامە لە لێکۆڵینەوە و بەدواداچوون…
Total
0
Share