بەڕێوەبەرایەتیی گشتیی كەشناسی و بومەلەرزەزانی هەرێم بڵاویكردووەتەوە، سبەینێ هەینی لە پارێزگاكانی هەولێر و دهۆك و ئیدارەی ڕاپەڕین بارانی بەلێزمە دەبارێت و لەپارێزگاكانی سلێمانی و هەڵەبجە و ئیدارەی گەرمیانی خۆڵبارین دەبێت.
بەپێی ڕاگەیەندراوێكی بەڕێوەبەرایەتیی گشتیی كەشناسی و بومەلەرزەزانی هەرێم تێیدا هاتووە، پێشبینیدەكرێت سبەینێ هەینی ئاسمانی هەرێمی كوردستان نیمچەهەوردەبێت و هەندێك كات بگۆڕێت بۆ هەوری تەواو لەگەڵ بارینی نمە باران و هەندێك كات هەورە تریشقەشی لەگەڵ دەبێت.
لە ڕاگەیەندراوەكە هاتووە، لە كاتەكانی پاشنیوەڕۆ و ئێوارەدا ئەگەری تاوە بارانی بە لێزمە هەیە لە ناوچە شاخاوییەكانی دهۆك و هەولێر و سنووری ئیدارەی ڕاپەڕین.
ئاماژە بەوەكراوە،پێشبینی بارانبارین لە ناوچەكانی باشووری سلێمانی و كەركوك و گەرمیان ناكرێت و تەنها زیادبوونی خێرایی با و بەرزبوونەوەی تەپ تۆز هەیە.
