هێزە ئەمنییەکانی عێراق خاوەنی گەورەترین تیمی گێچەڵپێکردن و وەرگرتنی پارەیان لەڕێگەی تۆڕە کۆمەڵایەتییەکانەوە دەستگیرکرد، کە کەسانی سیاسی، سەرمایەدار و هونەرمەندانی کردووەتە ئامانج.
ئەو کەسەی دەستگیرکراوە بە “جو جو” ناسراوە، خاوەنی ڕەگەزنامەی ئەمریکییە، لە دەرەوەی وڵاتەوە هاتووەتە هەولێر و دواتر چووەتە بەغداد.
ئەو کەسە ناوی ڕاستەقینەی ئەنجێلینا نیکۆل سانا-یە، ڕەگەزی خۆی گۆڕیوە، کاری تیمەکەی “جو جو” گێچەڵپێکردن بووە و دواتر پارە لێسەندن، ژمارەیەکی زۆر لە (بەرپرسانی سیاسی، ئەمنی، هونەرمەند و مۆدێلەکان)، کەوتوونەتە داوی تۆڕەکەی جو جوەوە و پارەیان لێسەندراوە.
هەندێک لەوانەی داوای پارەیان لێکراوە، پارەکەیان داوە و هەندێکی دیکەیان سکاڵایان تۆمارکردووە.
بەپێی میدیا عێراقییەکان، ئەو کەسە کە بە “جو جو” ناسراوە، بە پلانێک لەلایەن هێزە ئەمنییەکانەوە لە دەرەوەی وڵاتەوە لەڕێگەی فڕۆکەخانەی نێودەوڵەتیی هەولێرەوە هێنراوەتە هەرێمی کوردستان و پاشان بۆ بەغداد و دواتر دەستگیرکراوە.
