شانه‌ی ئەمنیی عێراق ڕایگه‌یاند، فه‌رمانده‌یی ئۆپه‌راسیۆنه هاوبه‌شه‌كان سه‌رجه‌م هێزه سه‌ربازییه‌كانی له سنووری شه‌نگال ڕاسپاردووه ده‌ستكراوه‌بن بۆ ڕێگریكردن له تێكدانی ئاسایش و ئه‌منیه‌تی ناوچه‌كه.
لە ڕاگەیەندراوێكدا شانه‌ی ئەمنیی عێراق ئاماژەی بەوەكردووە، “گروپێك به‌ناوی یه‌به‌شه ژماره‌یه‌ك ڕێگایان له ناوچه‌كانی سنونێ و خانه‌سۆر و كۆمه‌ڵگه و گونده‌كانی سنووری شه‌نگال داخستبوو، له چێوه‌ی ئه‌ركه‌كانیاندا ئەو هێزانەی كه كردنه‌وه‌ی ڕێگاكانیان پێ سپێردرابوو، ده‌ستیان به‌كاره‌كانیان كرد، به‌ڵام ڕووبه‌ڕووی بڵاوكردنه‌وه‌ی قه‌ناس بەدەست و بۆمبی چێندراو له‌سه‌ر ژماره‌یه‌ك ڕێگا بوونەتە‌وه.
شانەی ئەمنی جەختیشی كردووەتەوە، بە گوێرەی بنەماکانی ڕووبەڕوبوونەوە، وەڵامی سەرچاوەی ھێرشەکانیان داوەتەوە و ڕێگەکەیان کردووەتەوە، ڕێگەش نادەن بە ھیچ مامەڵەیەکی دەرەوەی یاسا، کە ئاسایش و ئارامی ھاوڵاتیان بخاتە مەترسییەوە.
