توێژینەوەیەکی نوێ کاریگەریی کۆبوونەوە و کۆنفرانسە ئۆنلاینەکان لەسەر کەمکردنەوەی توانای داهێنان ئاشکرادەکات، لەکاتێکدا ئەو شێوازە کۆنفرانس و کۆبوونەوانە لەدوای بڵاوبوونەوەی کۆرۆنا لە ناو وڵاتانی جیهاندا بەشێوەیەکی بەرچاو پشتی پێدەبەسترێت.
تویژینەوەکە باسلەوەدەکات، ئەو جۆرە کۆبوونەوە و کۆنفرانسانە کاریگەریی لەسەر بەرهەمی بیرۆکە و داهێنانی نوێ دەبێت لەڕێگەی ئەو کردارەی پێیدەوترێت “باهۆزی بیرەوەری”، هۆکارێکی دیکە ئەوەیە ڕێگرە لە گواستنەوە و ئاڵوگۆڕکردنی بیرۆکەکان بەشێوەیەکی کردەیی لەنێوان بەشداربوواندا.
تویژینەوەکە لەسەر هەزار و 500 کەس ئەنجامدراوە، کە لەڕێگەی ڤیدیۆ و وێنەوە داوایانلێکراوە بیرۆکەی نوێیان پێبدەن، توێژەران لە توێژینەوەکەیاندا هەزار و 490 کەس لەوانە لە کۆمپانیاکانی پەیوەندیکردن لە ئەوروپا ڕۆژهەڵاتی ناوەڕاست و باشووری ئاسیا دانراون.
دەرکەوتووە ئەوانەی لەڕێگەی ئۆنلاینەوە تێکڕای ئاستی بەرهەمیان %7.43 بووە لەکاتژمێرێکدا، بەڵام ئەوانەی بە کردەیی کاریانکردووە بەرهەمیان 8.58% بووە لە کاتژمێرێکدا.
سەرپەرشتیارانی توێژینەوەکە دەڵێن، کۆنفرانس و کارکردن لەڕێگەی ئۆنلاینەوە توانای وردبینیی کەسەکە کەمدەکاتەوە بەهۆی سەرقاڵبوونی بە سەیرکردن و چاودێریکردنی سکرینەکەی بەردەمی ئەمەش توانای بیرکردنەوە و وردبینیان کەمدەکاتەوە.
