کەمێک پێش ئێستا لەسەر ڕێگای چەمچەماڵ ــ سەنگاو نزیک فەرماندەیی پیادەی کەرکوک (مەنیلە)، ئۆتۆمبێلێکی سەربازیی وەزارەتی پێشمەرگە وەرگەڕا.
بەهۆی ڕووداوەکەوە 12 پێشمەرگە برینداربوون و پێشمەرگەیەکیش بەناوی نیزام جاسم محەمەد تەمەن 51 ساڵ گیانیلەدەستدا.
بەپێی ڕاگەیەندراوی بەڕێوەبەرایەتیی تەندروستیی چەمچەماڵ، “دەستبەجێ تیمی فریاکەوتنی خێرا 122 سەر بە بەڕێوەبەرایەتیی تەندروستیی چەمچەماڵ گەیشتە شوێنی ڕووداوەکە و بەهانای بریندارەکانەوە چوون، بەمەبەستی چارەسەری بەپەلە گەیەندراونەتە سەنتەری فریاکەوتنی چەمچەماڵ و ئیستا لەژێر چاودێریدان”.
