ئەنچیلۆتی پێیوایە ئەنجامەكەیان بێ هیواكەر نییە و توانای گەڕانەوەیان دەبێت بەرامبەر مانچستەر سیتی.
داواشی لە هاندەران كرد ئامادەكاری تەواو بكەن بۆ یاریی گەڕانەوە تا شەوێكی مێژووی تر بەڕێبكەن.
جەختیشی كردەوە كە لە ڕووی بەرگریییەوە خراپ دەركەوتوون و پێویستە باشتر یاریی بكەن.
بەشێك لە قسەكانی ئەنچیلۆتی
– كاسمیرۆ لە یاری گەڕانەوە لەگەڵمان دەبێت
– ئەگەر وەك ئەم یارییە دەربكەوین، ناگەینە یاری كۆتایی
– یاریزانەكانمان خۆیان بەدەستەوە نادەن
– داوا لە هاندەران دەكەم خۆیان بۆ شەوێكی سەرسورهێنەری تر ئامادە بكەن
– بنزیمە لە مەشق و ڕاهێنانەكان هەوڵی دا لێدانە سزاكانی بەوشێوەیە جێبەجێ بكات بەڵام نازانم چۆن لە قۆناغی پێش كۆتایی چامپیۆنزلیگ بەوشێوە لەسەرخۆیە ئەنجامیدا
– یارییەكی بەچێژ بوو بۆ هاندەران بەڵام بۆ من وەك ڕاهێنەر دەبێت پێداچونەوەی بۆ بكەم
– ئەگەر ببینە پاڵەوانی لالیگا، ئاهەنگ دەگێرین و ئەوەش یارمەتیدەرمان دەبێت بۆ باشبونی دەرونمان.
