لافاو چەند شەقام و گەڕەكێكی هەولێری گرتەوە و بەهۆیەوە ئاو چووە چەند ماڵێكەوە.
پەیامنێرمان لە هەولێرەوە پێی ڕاگەیاندین، بەهۆی ئەو شەپۆلی بارانەی لە نیوەڕۆی ئەمڕۆوە ناوچە جیاوازەكانی هەرێمی كوردستانی گرتووەتەوە، لە هەولێر لافاو لە چەند شەقامێك دروستبووە و بووەتەهۆی ئاستەنگی هاتوچۆ.
وتیشی، لە شەقامی 40 مەتر نزیك لە بازاڕی لەنگە لافاو دروستبووە.
هەروەها لە گەڕەك و ناوچەكانی زیلان سیتی و شاوێس بەهۆی دروستبوونی لافاوەوە ئاو چووەتە ناو چەند ماڵێكەوە و زیانی پێگەیاندوون.
