بۆ دووەم ڕۆژ خۆبەخشانی تەندروستیی سلێمانی دژی جیاوازی لە دامەزراندنیان گردبوونەوە

کارمەندانی خۆبەخشی تەندروستیی سلێمانی، ئەمڕۆ دووەم ڕۆژە گردبوونەوە ئەنجامدەدەن دژی جیاوازیکردن لە دامەزراندنیان لەنێوان پارێزگاکانی هەرێمی کوردستان و بڕیاری وەزارەتی تەندروستی بۆ دامەزراندنی بەشێک لە خۆبەخشانی پارێزگای دهۆک.

وەزارەتی تەندروستی 100 کارمەندی لە ئیدارەی زاخۆی سەربە پارێزگای دهۆک دامەزراندووە، وەک بەشێک لە کەرمەندانی خۆبەخشی تەندروستیی زاخۆ پێشتر ئاشکرایانکرد، ئەو کارمەندانەی دامەزرێنراون زۆرینەیان کادیری پارتین و لەسەر بڕیاری پارتی دامەزرێنراون.

یەکێک لە بەشداربووانی گردبوونەوەکەی ئەمڕۆی کارمەندانی خۆبەخش لە سلێمانی ئاماژەی بۆ ئەوەکرد، کە زانیارییان لایە لە دهۆک، زاخۆ و بەشێکی هەولێریش دامەزراندن هەیە، تەنها ئێرە بێبەشکراوە.

کارمەندانی خۆبەخشی تەندروستیی سلێمانی جەختیانکردەوە، کە ئەو دامەزراندنانە لەڕێگەی حزبییەوە دەکرێت نەک لەبەرئەوەی خۆبەخشی و خزمەتییان کردووە.

ئەو کارمەندانە باسلەوەدەکەن، ئێستا کەموکوڕی ئەوەندە زۆرە نزیکەی 50%ی بە خۆبەخش بەڕێوەدەچێت، بەڵام دامەزراندن جیاوازی تێدادەکرێت و لە پارێزگاکانی دیکە هەیە و سلێمانی بێبەشکراوە.

بابەتی پێشتر

بەتەمەنترین ژنی جیهان مرد

بابەتی دواتر

ئەنجومەنی پارێزگای سلێمانی: پێویستە پارێزگار ڕوونکردنەوە لەبارەی سەردانەکەی بۆ هیندستان بدات

بابەتی پەیوەندیدار
زیاتر ببینە

ڕانیه‌.. پێشمه‌رگه‌یه‌ك له‌كاتى چوونى بۆ ئاهه‌نگێك درایه‌ به‌ر چه‌قۆ و كوژرا

بەڕێوەبەرایەتیی پۆلیسی ڕاپەڕین بڵاویكرده‌وه‌، پێشمه‌رگه‌یه‌ك له‌كاتى چوونى بۆ ئاهه‌نگێك ‏له‌لایه‌ن سێ كه‌سی نه‌ناسراوه‌ به‌رچه‌قۆ دراوە و دواتر گیانیلەدەستداوە.…
Total
0
Share