پارێزەری گیراوانی بادینان ڕایگەیاند، دادگای تاوانەكانی 2ی هەولێر ڕۆژی 16ی ئایاری وەكو ڕۆژی دادگاییكردنی پێنج دەستگیركراوی بادینان دیاریكرد، كە ماوەی زیاتر لە ساڵێك و شەش مانگە لە زینداندان.
بەشدار حەسەن، پارێزەرانی گیراوانی بادینان بە تۆڕی میدیایی ئێیستای ڕاگەیاند، دادگای تاوانەكانی2 ی هەولێر ڕۆژی 16ی ئایاری دیاریكرد وەكو ڕۆرژی دادگاییكردنی پێنج دەستگیركراوی شیلادزێ.
پێنج دەستگیركراوەكە ماوەی زیاتر لە ساڵێك و شەش مانگە لە زینداندان و بە ناوەكانی (یوسف شەریف ابراهیم لە دایکبووی 2001، مەحمود ناجی سدیق لە دایکبووی 1996، کۆڤان تارق جبرائیل لەدایکبووی 1996، ئەمجەد یوسف مستەفا لەدایکبووی 1989 و هەروەها نێچیرڤان بەدیع حاجی لەدایکبووی 1993) .
پارێزەرەكەی گیراوانی شیلادزێ جەختیشی كردەوە، ئەو ڕۆژە لە دادگا ئامادەدەبن، تاوەكو بەرگرییان لێبكەن تا ئازاد بكرێن، بەهۆی ئەوەی “بەڵگەكانی سەریان بێبنەمان”.
