پۆلیسی سلێمانی دەستگیركردنی تۆمەتبارێك ڕادەگەیەنێت و دەڵێت، توندوتیژی بەرامبەر هاوژینی پێشووتری بەکارهێناوە و زیندانیكردووە.
بەڕێوەبەرایەتیی پۆلیسی پارێزگای سلێمانی ڕایگەیاند، دوای ئەوەی زانیاری گەیشتە هێزەكانی پۆلیس كە واگومان دەكرێت لە یەكێك لە هۆتێلەكانی شاری سلێمانی ژنێك زیندانیکراوە و ڕێگەی هاتنەدەرەوەی لێگیراوە، مەفرەزەكانی پۆلیس لێكۆڵینەوەكانی دەستپێكرد و توانرا لەلایەن بنكەی پۆلیسی بەختیارییەوە ژنەكە بدۆزرێتەوە كە لە ژوورێكی هۆتێلەكەدا لەلایەن هاوسەری پێشووتریەوە بەندكراوە و ئازاردراوە، پاشان تۆمەتبار دەستگیركرا.
لەئێستادا تۆمەتبار (ع.م.ه. لەدایكبووی 1992 بە ناسنامە عەرەب) بە بڕیاری دادوەر ڕاگیراوە و لێكۆڵینەوە لەگەڵیدا بەردەوامە، وەك ئەوەی پۆلیسی سلێمانی دەیڵێت.
