کەشناسیی هەرێمی کوردستان کەشوهەوای ئەمڕۆ و سبەینێی بڵاوکردەوە، بەپێی پێشبینییەکان لە پارێزگاکانی هەرێم خۆڵبارین دەبێت و ئەگەری نمەبارانیش هەیە، لەكاتێكدا لە بەغداد گەشتە ئاسمانییەكان بەهۆی خۆڵبارینەوە ڕاگیران.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان ڕایگەیاند، لە پارێزگاکانی هەولێر، سلێمانی، دهۆک، هەڵەبجە و کەرکوک ئەمڕۆ ئاسمان هەوری تەواو دەبێت لەگەڵ بوونی تۆزێکی سووک و ئەگەری بارینی نمەباران لە کات و شوێنی جیاوازدا.
بەپێی پێشبینییەکانی کەشناسی، ئەمڕۆ و سبەینێ لەسەرجەم پارێزگاکانی هەرێمی کوردستان تۆز و خۆڵێکی سووک لە کەشدا دەبێت.
هەروەها پلەکانی گەرما یەك بۆ دوو پلە بەرزدەبنەوە.
ئەوەش لەكاتێكدایە، لە بەغداد بەهۆی خۆڵبارینەوە گەشتە ئاسمانییەكان ڕاگیراون و خۆڵبارینێكی چڕ پارێزگاكە و نەجەف و چەند پارێزگایەكی دیكەی عێراقی گرتووەتەوە.
