ئاسایشی ڕاپەڕین چوار تۆمەتباریان دەستگیرکرد کە بەڕەگەز سوری بوون و هەر چواریان هەڵگری پێناسی باری شارستانی ساختەبوون.
لە ڕاگەیەندراوێكدا بەڕێوەبەرایەتیی ئاسایشی ڕاپەڕین ئاماژەی بەوەكردووە، هێزەکانیان دوای بەدواداچوون و وەرگرتنی زانیاریی ورد چوار تۆمەتباریان دەستگیرکرد، کە بەڕەگەز سوری بوون و هەر چواریان هەڵگری پێناسی باری شارستانی ساختەبوون.
باسی لەوەشكردووە، و بەپێی ماددەكانی (289/298 ) لە یاسای سزادانی عێراقی و ماددەی(2)ی تیرۆر پەڕاوی لێکۆڵینەوەیان بۆ کراوەتەوە و لێکۆڵینەوەش لەگەڵیان بەردەوامە.
هەر بەپێی ڕاگەیەندراوەكە هێزەكانیان لە بازگەی قەمتەران دوو تۆمەتباریان دەستگیرکردووە کە بڕی 200 هەزار دیناری ساختەیان پێبووە لە جۆری 25 هەزار دیناری و ویستویانە لە ناوچەکەدا ساغی بکەنەوە.
