کەشناسیی هەرێمی کوردستان کەشوهەوای ئەمڕۆ و سبەینێی بڵاوکردەوە، بەپێی پێشبینییەکان ئەمڕۆ و سبەینێش لەسەرجەم پارێزگاکانی هەرێم خۆڵبارین دەبێت.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان ڕایگەیاند، لە پارێزگاکانی هەولێر، سلێمانی، دهۆک، هەڵەبجە و کەرکوک ئەمڕۆ ئاسمان نیمچەهەور دەبێت، بۆ سبەینێ ئاسمان دەگۆڕێت بۆ ساماڵ و پەڵەهەور.
بەپێی پێشبینییەکانی کەشناسی، ئەمڕۆ و سبەینێ لەسەرجەم پارێزگاکانی هەرێمی کوردستان تۆز و خۆڵێکی سووک لە کەشدا دەبێت.
هەروەها پلەکانی گەرما دوو بۆ سێ پلە دادەبەزن.
