سەرۆكی ئەنجومەنی پارێزگای سلێمانی رایدەگەیەنێت، لە رێگای لیژنە پیشەسازی و وزەی ئەنجومەنی پارێزگا و پەرلەمانتارە كوردەكان لە بەغداد هەوڵمانداوە كە نرخی بەنزین هاوشێوەی پارێزگاكانی ناوەڕاست و باشووری عێراق بێت و ئومێد دەكەین هەوڵەكانمان ئەنجامی هەبێت و یەك لیتر بەنزین بكرێتە 450 دینار.
ئازاد محەمەد ئەمین سەرۆكی ئەنجومەنی پارێزگای سلێمانی لە لێدوانێكدا بە تۆڕی میدیایی ئێستای راگەیاند، نووسراومان بۆ وەزارەتی سامانە سروشتییەكان كردووە بۆ دابەزاندنی نرخی بەنزین و لە رێگای پەرلەمانتارە كوردەكان كە چەند یاداشت و نووسراوێكیان ئاراستەی وەزارەتی نەوتی عێراق كردووە كە نرخی بەنزین لە هەرێم هاوشێوەی پارێزگاكانی دیكەی عێراق بێت و ناكرێت جیاكاری بكرێت و نرخی یەك لیتر بەنزین لە پارێزگاكانی عێراق 450 دینار بێت و لە هەرێمی كوردستان لە 750 بۆ هەزار دیناردا بێت.
ئاشكراشیكرد، “ئێستا پەیوەندییەكانی هەرێم و بەغداد ئاساییبووەتەوە و چاوەڕواندەكرێت هەوڵەكانمان ئەنجامی هەبێت و نرخی بەنزین لە هەرێم هاوشێوەی پارێزگاكانی ناوەڕاست و باشووری عێراق بە هەوڵی ئەنجومەنی پارێزگا و پەرلەمانتارە كوردەكان هەرزان بێت و یەك لیتر بەنزین بكرێتە 450 دینار.
