پیاوێکی ئایینی بە جبە و عەمامەوە چووە سەرتاشخانەیەک و بە ستایلێکی جیاوازەوە هاتەدەرەوە

سەید عەلی شەریفی، مەلایەکی شیعەیە و لەسەر ئاستی عێراق زۆر ناسراوە، بە بیروباوەڕە جیاوازەکانی خەڵکی بۆ دوو بەرە دابەشکردووە، بەرەیەک هەوادارین و ئەوی تریشیان دژ.

شەریفی لە چەندین چاوپێکەوتنی تەلەڤیزیۆنی و گرتەی ڤیدیۆیی تۆڕە کۆمەڵایەتییەکاندا لە پاڵ بابەتە ئایینییەکاندا، نوکتە و بەسەرهاتی کۆمیدیی گێڕاوەتەوە. ئەمەش لەگەڵ بیروباوەڕەکانیدا کە بانگەشەی لیبراڵیزم دەکات، ڕووبەڕووی ڕەخنەیەکی زۆری کردووەتەوە.

سەید عەلی شەریفی لە لای شەقامی عێراقی و بەكارهێنەرانی تۆڕە كۆمەڵایەتییەكان پێگەیەكی جەماوەریی بەهێزی هەیە، هەمیشە قسە و دەركەوتنەكانی كاردانەوە بەدوای خۆیاندا دەهێنن.

وەک لە وێنەکاندا دەردەکەوێت، شەوی ڕابردوو شەریفی چووەتە سەرتاشخانەیەک لە بەغداد و ستایلی قژ و جلەکانی گۆڕیوە، ئەوەش بووەتە سەرەکیترین بابەتی نێو تۆڕە کۆمەڵایەتییەکان لە عێراق.

 

بابەتی پێشتر

پەنابەرانی ئۆکرانی 28 هەزار ئاژەڵیان لەگەڵ خۆیاندا بردووەتە ئەڵمانیا

بابەتی دواتر

هەواڵگریی عێراق دەیان كۆچبەری دەستگیركرد و دەڵێت لە سلێمانییەوە هاتوون

بابەتی پەیوەندیدار
Total
0
Share