بەڕێوەبەرایەتیی كەشناسی و بومەلەرزەزانی هەرێم، پێشبینی دەكات سبەینێ خۆڵبارینێكی سوك ڕۆژهەڵاتی هەرێم و ناوچەكانی گەرمیان دەگرێتەوە.
كەشناسیی هەرێم، لە ڕاگەیەندراوێكدا ئاماژەی بەوەكردووە، سبەینێ چوارشەممە ئاسمانی هەرێم ساماڵ دەبێت لە گەڵ پەیدابوونی هەندێک پەڵەهەور لە ناوچە کانی باکوور.
پێشبینیشی كردووە، پلەکانی گەرما (2-4) پلە نزم بنەوە و خێرایی با هەندێ جار چالاک دەبێت (10-20)کلم/ لە سنووری هەولێر و سلێمانی.
هەر بەپێی پێشبینییەكانی كەشناسی، سبەینێ ئەگەری بەرزبوونەوەی تۆزێکی سوک هەیە لە ڕۆژهەڵاتی هەرێم و ناوچەکانی گەرمیان.
