ئەنجومەنی وەزیرانی هەرێمی كوردستان، ڕەزامەندی دا لەسەر جێبەجێکردنی پڕۆژەی ئاوی گۆپتەپە – چەمچەماڵ و قائیمقامیەتی قەزاكە دەڵێت، “خەونە گەورەكەی چەمچەماڵ بەدیهات”.
دوای ساڵانێك چاوەڕوانی، ئەمڕۆ سێشەممە ئەنجومەنی وەزیران بڕیاری دا بودجەیەک بۆ جێبەجێکردنی پڕۆژەی ئاوی گۆپتەپە – چەمچەماڵ خەرجبكات.
قائیمقامیەتی قەزای چەمچەماڵ ڕاگەیەندراوێكی لەبارەی بڕیارەكەوە دەركردووە و دەڵێت، “خەونە گەورەكەی چەمچەماڵ بەدیهات”.
ڕاشیگەیاندووە، “ئەم بڕیارە دوای هەوڵە بەردەوامەکانی قائیمقامیەتی قەزای چەمچەماڵ دێت کە تا ئێستا 77 نووسراو بۆ ئەو مەبەستە کراون”.
