تەقینەوەیەکی گەورە لە ناوچەی بەنعەفول لە شارۆچکەی سەیدای باشووری لوبنان کوژرا و برینداری لێکەوتەوە، ئەو کەسەی گیانیلەدەستداوە کوڕی سەرۆکی شارەوانیی شارۆچکەکەیە.
پێگە هەواڵییەکانی لوبنان بڵاویانکردەوە، تەقینەوەکە لە نزیک کاتژمێر 2:00ی بەرەبەیانی ئەمڕۆ ڕوویداوە، لە ناوچەیەک کە 56 کیلۆمەتر لە بەیروتی پایتەختەوە دوورە و تەقینەوەکە پێنج کیلۆمەتر لە گەنجینەیەکی کۆنی چەک و تەقەمەنییەوە دووربووە.
بەهۆی تەقینەوەکەوە کەسێک گیانیلەدەستداوە کە کوڕی سەرۆکی شارەوانیی ناوچەکەیە، حەوت کەسی دیکەش برینداربوون و برینی چواریان سەختە.
تەقینەوەکە باڵەخانەی شارەوانیی بەنعەفولی کردووەتە ئامانج و باڵەخانەکە بەتەواوی داڕووخاوە.
