پێشنوێژ و وتارخوێنی نەجەف داوا لە چێوەی هەماهەنگی کە هێزە شیعەکانی عێراق لەخۆدەگرێت و ڕەوتی سەدر بە سەرۆکایەتیی موقتەدا سەدر دەکات لەسەر مێزی گفتوگۆ دابنیشن بۆ چارەسەری کێشەکانیان.
سەدرەدین قەبانچی پێشنوێژ و وتارخوێنی نەجەف، هۆشداریدەدات لەوەی ئەگەر هەر لایەنێکی شیعە لە پێکهێنانی حکومەتی داهاتوودا پشتگوێبخرێت شیعەکان دەبنە کەمینە لە عێراق.
داواش لە چێوەی هەماهەنگی و ڕەتی سەدر دەکات لەسەر مێزی گفتوگۆ دابنیشن بۆ چارەسەرکردنی کێشەکانیان و دەڵێت، پێویستە دەستبەرداری هەندێک بابەت ببن لەپێناو بابەتی گەورەتر.
