بەڕێوەبەرایەتیی تەندروستیی سلێمانی بڵاویكردووەتەوە، بەهۆی ئەو شەپۆلی خۆڵبارینەی ڕووی لە پارێزگای سلێمانی كردووە تائێستا 11 كەس هێنراونەتە نەخۆشخانەكانی سلێمانی.
سامان شێخ لەتیف، بەڕێوەبەری ڕاگەیاندن و پەیوەندییەكانی تەندروستیی سلێمانی ڕایگەیاند، بەهۆی شەپۆلی خۆڵبارینەوە 11كەس هێنراونەتە نەخۆشخانەكانی سلێمانی كە 7 كەسیان لە نەخۆشخانەی شار داخڵكراون و 4 منداڵ لە نەخۆشخانەی دكتۆر جەمال ئەحمەد ڕەشید كە تەندروستییان جێگیرە.
