جارێكی دیكە لە ھەولێر لەکاتی دابەشکردنی مووچەی خانەنشینان، قەرەباڵغییەکی زۆر دروستبوو، ئەو مووچەیەی دابەشكرا هی مانگی دوو بوو.
پەیامنێری تۆڕی میدیایی ئێستا لە هەولێر گواستیەوە، ئەمڕۆ جارێكی دیكە لە بەردەم بانکی حەمرین، لەکاتی دابەشکردنی مووچەی خانەنشینان، قەرەباڵغیەکی زۆر دروستبووە.
ئەو كێشانەی لەكاتی دابەشكردنی مووچەی خانەنشینی لەبەردەم بانكەكان لە هەولێر هەبوون، تائێستا چارەسەرنەكراون، وەک ئەوەی پەیامنێری ئێستا گواستیەوە.
ئەو مووچەیەی ئەمڕۆ لە هەولێر و سلێمانی و چەند ناوچەیەكی دیكەش بەسەر خانەنشیناندا دابەشكرا، مووچەی مانگی دوو بوو، بەو پێیەی پێش نەورۆز پارەی پێویست نەمابوو بۆ دابەشكردنی مووچە.
