وابڕوات، 10/1 هەڵبژاردن بەڕێوەناچێت

ئەندامێكی كۆمسیۆنی هەڵبژاردن هۆشداریدەدات لەوەی تا 4/1 كۆمسیۆنەكە كارانەكرێتەوە و یاسای هەڵبژاردن هەموارنەكرێت، ناتوانن لە 10/1 هەڵبژاردن بەڕێوەببەن.

لە ماوەی ڕابردوودا نێچیرڤان بارزانی سەرۆكی هەرێمی كوردستان واژووی لەسەر كاتی بەڕێوەچوونی هەڵبژاردنی پەرلەمانی كوردستان كردبوو، بەپێی نووسراوە سەرۆكایەتییەكە، هەڵبژاردن لە 10/1 بەڕێوەبچێت.

سەرەڕای دیاریكردنی وادەكە، تا ئێستا چەند بەربەستێك هەن بۆ بەڕێوەچوونی پرۆسەكە لەو كاتە دیاریكراوەدا.

شیروان زرار ئەندامی كۆمسیارانی كۆمسیۆنی هەڵبژاردنەكانی هەرێمی كوردستان بە تۆڕی میدیایی ئێستای ڕاگەیاند، ئەگەر تا 4/1 بەربەستەكانی بەردەم هەڵبژاردنەكە لانەبرێن، لەوانە، كۆمسیۆنی هەڵبژاردن كارانەكرێتەوە و یاسای هەڵبژاردنیش هەموارنەكرێتەوە، قورسە بتوانن لە 10/1 هەڵبژاردنی پەرلەمان بەرێوەببەن.

كۆمسیارەكەی كۆمسیۆن وتیشی، ستانداردێكی جیهانییە كە ئامادەكاری بۆ هەڵبژاردن نزیكەی شەشە مانگی پێویستە، بۆ ئەوەی هەڵژبژاردنێكی گونجاو بەڕێوەببرێت.

زرار نەیشاردەوە، كە ئەگەر تا 4/1 ئەو كارانە نەكرێن، (كاراكردنەوەی كۆمسیۆن و هەمواركردنەوەی یاسای هەڵبژاردن)، كۆمسیۆن نووسراو بۆ سەرۆكایەتییەكانی هەرێمی كوردستان و ئەنجومەنی وەزیران و پەرلەمان دەكات، ئەوكات ناتوانرێت لەكاتی دیاریكراودا كە 10/1ــە هەڵبژاردنەكە بەڕێوەببرێت.

لایەنە سیاسییەكانی هەرێمی كوردستان و فراكسیۆنەكانیان لە پەرلەمانی كوردستان، لەبارەی هەمواركردنەوەی یاسای هەڵبژاردن و هەروەها كاراكردنەوەی كۆمسیۆن ناكۆكن، هەندێكیان دەیانەوێت كۆمسیۆن كارابكرێتەوە و دواتر یاسای هەڵبژاردن هەمواربكرێتەوە، زۆربەی لایەنەكاین دیكەش بە پێچەوانەوە.

ئەمە جگە لەوەی لەبارەی هەمواركردنەوەی یاساكە و بازنەكانی هەڵبژاردنیشەوە بەهەمانشێوە ناكۆكی هەن.

بابەتی پێشتر

کریستیانۆ بەدرێسی مانچستەرەوە لەزەرەردایە

بابەتی دواتر

هەولێر.. لەكاتی دابەشكردنی مووچە قەرەباڵغییەكی زۆر دروستبوو

بابەتی پەیوەندیدار
زیاتر ببینە

ئه‌مساڵ بارانبارین باشترده‌بێت.. كه‌شناسی واده‌ى باران و به‌فربارینى ئاشكراكرد

به‌رپرسی به‌شی پێشبینییه‌كانى به‌ڕێوه‌به‌رایه‌تیى كه‌شناسی و بومه‌له‌رزه‌زانیى هه‌رێمی كوردستان ڕایده‌گه‌یه‌نێت، كاریگه‌ریی شه‌پۆلێكى بارانبارین ڕوو له‌ هه‌رێمى كوردستان ده‌كات…
زیاتر ببینە

وتەبێژی یەکێتی: هەڵبژاردنی پەرلەمانی کوردستان باشترین رێگایە بۆ قووڵکردنەوەی زیاتری دیموکراسی

وتەبێژی یەکێتیی نیشتمانیی کوردستان رایدەگەیەنێت، هەڵبژاردنی  پەرلەمانی کوردستان باشترین رێگایە بۆ قووڵکردنەوەی زیاتری دیموکراسی و تێپەڕاندنی ئەم بارودۆخە…
Total
0
Share